Sól, sól skín á mig er mikið uppáhaldslag á Ljósheimum þessa dagana enda á það vel við þessa dagana þegar sólin skín nánast á hverjum degi. Börnin njóta þess að vera léttklædd úti og ýmislegt skemmtilegt er í boði í garðinum þessa dagana eins og krítar, sápukúlur og húllahringir.

Það eru byrjaðir tveir nýjir strákar hjá okkur og eins og alltaf tóku börnin mjög vel á móti þeim.

Næsta vika

Föstudaginn 14.júní verðum við með sumarhátíð. Foreldrum er boðið að koma kl.15 og taka þátt í hátíðinni með börnunum sínum.

Kveðja Birna,  Hanna Stína, Jóna Maja, Ásta og Guðrún.

Þessi vika var græn litavika og erum við búin að vera að mála grænar myndir. Börnin fengu gula og bláa málingu og blönduðu henni saman. Voru þau mjög hissa þegar litirnir breytust í grænan. Á fimmtudaginn vorum við svo með grænt litaball.

Á þriðjudaginn fóru allir á Ljósheimum í gönguferð. Fórum við í Holtið okkar og tókum ávextina með. Borðuðum perur á grasi eins og eitt barnið sagði. Börnin voru ótrúlega dugleg að klöngrast um í Holtinu og fannst mjög gaman.

Á þriðjudaginn var einnig síðasti dagur Í.E hjá okkur. Við eigum eftir að sakna hans og vonandi á hann eftir að kíkja í heimsókn til okkar.

Á föstudaginn var svo ömmu-og afakaffi hjá okkur. Við þökkum öllum sem komu í heimsókn til okkar kærlega fyrir komuna, alltaf gaman að fá góða gesti. Börnin voru að sjálfsögðu mjög spennt fyrir þessu og biðu eftir að amma og afi kæmu svo þau gætu sýnt þeim leikskólann sinn og gefið þeim kaffi.

Takk fyrir vikuna. Kveðja Birna, Hanna Stína, Guðrún, Jóna Maja og Ásta.

Þessi vika var græn litavika og erum við mikið búin að vera að ræða um vorið og hvernig grasið er að grænka og lauf að koma á tréin okkar.

Á fimmtudaginn voru hópaslit og fengum við fullt af góðum gestum til okkar og viljum við þakka þeim kærlega fyrir komuna. Börnin voru búin að vera rosa dugleg að æfa lagið sem þau sungu og stóðu þau sig bara vel þegar kom að því að sýna þetta.

Næsta vika

Græn litavika. Grænt litaball fimmtudaginn 16.maí kl.9:30.

Föstudaginn 17.maí verður ömmu-og afakaffi milli klukkan 15 og 16.

Takk fyrir vikuna. Kveðja Birna, Guðrún, Hanna Stína, Jóna Maja og Ásta.

Eins og alltaf er nóg að gera hjá okkur á Ljósheimum. Það eru búnar að vera bláar litavikur hjá okkur og erum við búin að vera að gera bláar myndir. Einnig vorum við með blátt ball þar sem allir skemmtu sér vel og dönsuðu við hákarlalagið og önnur skemmtileg lög.

Nú styttist í páskana og börnin á Ljósheimum eru að gera voða sæta páskaunga sem kúra í hreiðri.

A.M var síðasta barn vikunnar þennan veturinn og er Edda nú komin í frí. Við lásum hvað Edda og A.M höfðu gert skemmtilegt saman um helgina og hafði greinilega verið nóg að gera hjá þeim og mikið fjör. Hún kom svo með dúkku sem allir fengu að knúsa og bók sem við lásum saman.

Veðrið er búið að vera milt og gott undanfarna daga og við því dugleg að fara út. Nokkur börn fóru í gönguferð í vikunni og fannst þeim það mjög spennandi.

Kveðja frá Birnu, Hönnu Stínu, Guðrúnu, Ástu og Jónu Maju.