Á mánudaginn unnum við í jólagjöfum og fórum í málörvun.

Á þriðjudaginn komust við því miður ekki í gönguferð. Í staðinn fórum við í Karnival dýranna og lékum fiska með ugga og sporð sem syntu um og fólk með eyru sem vildi heyra. Á eftir fórum við út í garð og rannsökuðum frostið, börnin voru mjög áhugasöm. Skráning á niðurstöðum barnanna hangir fyrir framan deildina, endilega skoðið það með börnunum.

Á miðvikudaginn fóru báðir hóparnir í hreyfistund og æfðu sig um leið að telja og rifjuðu upp formin og litina. Einnig kom Blær í heimsókn og ræddi við börnin um tilfinningar. Öll börnin teiknuðu svo sjálfsmynd enda höfum við mikið rætt um líkamann undanfarið.

Á fimmtudaginn var unnið í jólagjöfum. Einnig æfðu börnin sig að klappa atkvæði bæði í nöfnunum sínum og öðrum orðum eins og bolt-i og kan-ín-a. Börnin báðu um að leika með kúluspil og gátu valið um ólík og skemmtileg kúluspil sem eru til hér í leikskólanum.

Í dag er baráttudagur gegn einelti. Af því tilefni kom Blær í vinastund og söng fjölbreytt lög um vináttuna með börnunum. Blær gaf börnunum líka blað til að gera heima með foreldrunum og eru þau í plastkössum barnanna í fataklefanum.

Næstu viku verða framkvæmdir inn á Hulduheimum þar sem verið er að leggja hita í gólfið. Þetta þýðir nokkuð rask fyrir allan leikskólann þar sem þau verða í salnum. Við biðjum foreldra að hafa það í huga þegar gengið er um og við höfum rætt um börnin að við erum öll að hjálpast að á meðan framkvæmdunum stendur.

Takk fyrir skemmtilega viku,

Kolla og Inga

1. H. K. var barn vikunnar. Það var gaman að lesa hvað hann og Dísa brölluðu saman um helgina. Einnig valdi hann tónlist m.a. „Draumar geta ræst“, kom með leikfang og bók að heiman. R.I. er barn næstu viku og fer heim með Dísu vinadúkku í dag.

Í dag er baráttudagur gegn einelti. Af því tilefni kom Blær í vinastund og söng fjölbreytt lög um vináttuna með börnunum. Blær gaf börnunum líka blað til að gera heima með foreldrunum og eru þau í plastkössum barnanna í fataklefanum.

Næstu viku verða framkvæmdir inn á Hulduheimum þar sem verið er að leggja hita í gólfið. Þetta þýðir nokkuð rask fyrir allan leikskólann þar sem þau verða í salnum. Við biðjum foreldra að hafa það í huga þegar gengið er um og við höfum rætt um börnin að við erum öll að hjálpast að á meðan framkvæmdunum stendur.

Í næstu viku eru foreldraviðtöl, hlakka til að hitta ykkur og spjalla um frábæru og flottu krakkana sem eru hjá okkur á Dvergheimum.

Bestu kveðjur,

Kolla, María, Björg og Inga

Þessa vikuna höfum við unnið í að gera jólagjafir og börnin eru bæði dugleg og áhugasöm um að gera fínar gjafir handa foreldrum sínum.

Á þriðjudaginn var Regnbogahópur í Karnivali dýranna og léku villta asna (sem voru mjög villtir!) og afar hæggengar skjaldbökur. Við ræðum um hvernig tónlistin segir okkur ýmislegt t.d. hvort að dýrin fari hægt eða hratt. Á sama tíma fór Regnbogahópur í gönguferð og skoðaði ýmislegt sem að líkaminn þeirra getur gert eins og að ganga hægt og hratt, aftur á bak og áfram, trampa og læðast, hoppa o. s. frv.

Á miðvikudaginn var hópastarf. Hóparnir fóru í hreyfistund í salnum og æfðu jafnvægi og að hreyfa sig eftir trommuslætti (hratt= hlaupa, miðlungs=ganga, hægt=skríða). Einnig unnu þau áfram með persónurnar sem þau gerðu í síðustu viku, Ásu og Jón og skrifuðu hvað líkamar þeirra geta gert t.d sofa, gráta, hlæja, sitja, hlaupa og knúsa. Í báðum hópum kom upp umræða að borða mat og að maturinn færi í magann. Annar hópurinn vissi ekki hvað gerðist næst og ætlaði að rannsaka málið, spyrja og heima og skoða í bækur. Hinn hópurinn var alveg með þetta á hreinu, kúkurinn breyttist sko í piss og kúk og færi í klósettið!

Á fimmtudaginn voru tónleikar „Krummi krunkar úti“ þar sem var spilað á gítar og sungin lög og sagðar sögur af krumma. Þetta var mjög skemmtilegt og börnin skemmtu sér vel.

Endilega kíkið á myndir á heimasíðunni undir Dvergheimar.

Góða helgi,

Kolla, Inga og Elsa

Góðan daginn,
Barn vikunnar var I., við lásum um hvað hún og Dísa brölluðu um helgina. Svo valdi hún að hlusta á „Frozen“ á pólsku og það fannst krökkunum bæði skemmtilegt og fallegt. Hún kom að sjálfsögðu líka með leikfang og bók að heiman og sýndi krökkunum. E. S. er barn næstu viku.

Í dag var bangsadagur og börnin komu með allskonar litríka og ólíka bangsa. Bangsarnir fengu að sjálfsögðu að leika með krökkunum í dag og fóru líka með þeim í samverustund og vinastund í salnum.

Foreldraviðtölin eru á næsta leiti, þau verða 12. og 13. nóvember. Vinsamlegast skráið ykkur á tíma, blaðið hangir á hurðinni.

Það eru komnar október myndir inn á heimasíðuna. Börnin í elstu barna hópnum ættu líka að skoða myndir undir „Hulduheimar“.

Einnig viljum við biðja ykkur um að vera áfram vakandi næstu daga varðandi njálginn og minnum á mikilvægi þess að klippa neglur stuttar. Við erum að nota einnota bréfþurrkur inni á deild og spritt á hendur allra barna. Einnig höfum við reynt að þrífa og sótthreinsa á deildinni.

Takk fyrir að bregðast fljótt við beiðni um hlý vetrarföt, það er svo miklu skemmtilegra úti þegar manni er mátulega hlýtt.

Bestu kveðjur um góða og notalega helgi,
Kolla, Inga, Björg og María