Þá er er mjög kaldri viku að ljúka en þrátt fyrir kuldann er alltaf jafn gaman hjá okkur og nóg um að vera í leikskólanum. Það hefur verið frekar rólegt hjá okkur þessa vikuna vegna veikinda og fría hjá börnunum.

Fyrir hádegi á mánudeginum var deildarval en þá var hægt að velja um ýmislegt skemmtilegt inni á deild. Eftir hádegi var útivistadagur og frjáls leikur inni á deild.

Við vorum með listaskála fyrir hádegi á þriðjudeginum. Í listaskála gerðu börnin fallegar haustmyndir með málningu og þurrkuðum laufblöðum sem börnin týndu fyrr í haust og settu í pressu. Inni á deilda var frjáls leikur. Eftir hádegi var val hjá eldri og útivera eða frjáls leikur hjá yngri.

Fyrir hádegi á miðvikudögum á að vera gönguferð og tónlistastund en þar sem börnin voru mjög fá þennan dag var ákveðið að blanda þessum stundum saman. Við löbbuðum í holtið okkar og fundum okkar góðan stað til að setjast niður, börnin fengu hristur og við sungum nokkur lög saman áður en farið var að leika. Eftir hádegi var í boði útivera eða frjáls leikur inni á deild.

Fyrir hádegi á fimmtudeginum féll hópastarf niður vegna sýningar í sal. Sýningin sem við sáum heitir Krummi krunkar úti og er samblanda af söng og sögum af Krumma. Börnin skemmtu sér mjög vel. Efir sýninguna var frjáls leikur inni á deild. Eftir hádegi var útivera og frjáls leikur inni á deild.

Bangsadagurinn var á föstudeginum og var mjög sætt að sjá öll börnin á leikskólanum með bangsana sína í vinastund fyrir hádegi. Í vinastund var líka valið nýtt barn vikunnar sem fær að taka Völu vinadúkku heim um helgina. Eftir ávaxtastund var val hjá eldri og útivera hjá yngri. Eftir hádegi var föstudagsval þá er hægt að velja um að fara út að leika eða vera inni í frjálsum leik.

Takk fyrir vikuna og góða helgi,
kveðja Sunna, Elsa Rún, Henný Rós, Marta og Edda Rós.

 

Skipulagt starf er komið í góða rútínu hjá okkur á Álfheimum og eru börnin smátt og smátt að átta sig á skipulaginu sem deildin vinnur eftir.

Fyrir hádegi á mánudeginum var deildarval, yngri hópurinn (2016-2017) lék sér inni á deild og eldri (2015) fóru á Dvergheima í deildarval. Eftir hádegi var útivistadagur og fóru flest börnin út að leika.

Deildardagur var fyrir hádegi á þriðjudeginum en þá erum við með listaskála. Í listaskála vildu börnin mála og fá að blanda málningu, þau völdu hvítan og rauðan og gerðu ýmsar útgáfur af bleikum lit til að mála með. Inni á deild var frjáls leikur. Eftir hádegi var val hjá eldri og útivera eða frjáls leikur hjá yngri.

Hópur 1 fór í gönguferð fyrir hádegi á miðvikudeginum, þau löbbuðu um Rimahverfið og fundu hól á bakvið Laufskála sem börnin æfðu sig að hlaupa upp og niður. Hópur 2 fór í tónlistastund, þau hlustuðu á tónlist og prufuðu hljóðfæri. Eftir tónlistarstund léku þau sér í frjálsum leik. Eftir hádegi var útivistadagur og fóru flest börnin út að leika meðan önnur voru inni í frjálsum leik.

Hópastarf var fyrir hádegi á fimmtudeginum við mikinn fögnuð barnanna. Yngsti hópurinn (2017) fór í hreyfistund í sal þar sem þau fóru í leik, léku með bolta í ýmsum þrautum. Eftir hreyfistund fóru þau í könnunarleik. Yngri hópurinn (2016) byrjuðu í þemastund þarf sem umræður um haust og vináttu stóðu upp úr. Börnin byrjuðu á vinahring Álfheima og mun hann vera inni á deild þegar hann er tilbúin. Í hreyfistund æfðum við okkur að hlaupa, labba á tám og hælnum ásamt því að fara í leiki sem vinna með líkamsheitin í tengslum við þemað ,,Ég sjálf/ur og líkaminn minn‘‘. Við enduðum hreyfistundina á þrautabraut og góðri slökun. Eftir hádegi var val hjá eldri og útivera og frjáls leikur inni á deild.

Vinastund var fyrir hádegi á föstudeginum og þá kom í ljós hver fær að fara heim með Völu vinadúkku og verður barn vikunnar í næstu viku. Eftir ávaxtastund var val hjá eldri og útivera hjá yngri. Eftir hádegi var föstudagsval og fóru flest börnin út að leika og nokkur voru inni í rólegum leik.

Börn fædd 2015 eru í skipulögðu starfi með sínum árgagni á Dvergheimum einnig hafa þau farið og verið með þeim í deildarvali fyrir hádegi á mánudögum.

Næsta vika:
Miðvikudaginn 23. október klukkan 9:45 er brunaæfing.
Fimmtudaginn 24. október klukkan 9:30 er tónlistarsýning í sal „Krummi krunkar úti“.
Föstudaginn 25. október mega börnin koma með bangsa í leikskólann í tilefni af Alþjóðlega bangsadaginn.

 Takk fyrir frábæra viku og góða helgi,

kveðja Sunna, Elsa Rún, Marta, Edda Rós og Henný Rós.

 

Þá er enn ein vikan liðin og það er óhætt að segja að þær líði hratt.

Fyrir hádegi á mánudeginum var deildardagur. Það var ýmislegt skemmtilegt í boði eins og lest, kubbar, dýr og myndvarpinn sem var notaður til að varpa ýmsu upp á vegginn. Eftir hádegi var útivistadagur og frjáls leikur inni á deild.

Deildardagur var fyrir hádegi á þriðjudeginum. Í listaskála gerðu börnin falleg haust tré og inni á deild var frjáls leikur. Eftir hádegi var val hjá eldri og útivera eða frjáls leikur hjá yngri.
Gönguferðin og tónlistarstundin féllu niður fyrir hádegi á miðvikudeginum en í staðin fengu börnin að velja hvað átti að gera og vildu þau fara út að leika. Eftir hádegi var útivistadagur hjá elstu og frjáls leikur eða útivera hjá yngri.

Fyrir hádegi á fimmtudeginum var hópastarf. Yngsti hópurinn (2017) fór í hreyfistund í sal og könnunarleik. Yngri hópurinn (2016) fór í þemastund þar sem þau ræddu aðeins um umferðaljós og haustið. Þau gerðu líka hópastarfsmöppur. Eftir þemastundina fóru þau í hreyfistund í salnum. Eftir hádegi var val hjá elstu og val um að fara út að leika eða vera inni í frjálsum leik hjá yngri.

Vinastundin var á sínum stað fyrir hádegi á föstudeginum og það var mikið líf og fjör þar sem við vorum með bleikt litaball. Eftir ballið kom svo stundin sem margir hafa beðið eftir en hún Vala vinadúkka er komin úr sumarfríi og fer heima með fyrsta barni vikunnar þessa helgi. Fyrir hádegi var val hjá eldri og útivera hjá yngri. Eftir hádegi var föstudagsval og þá er hægt að velja um að fara út að leika eða vera inni í frjálsum leik.

Í þessari viku ræddi Blær vinabangsi við börnin um að það geta allir leikið sama og þó við séum ólík getum við verið vinir. Hann ræddi líka við þau um að við getum hjálpað vinum okkar t.d. þegar þeir meiða sig, þá er hægt að hugga þá, ná í hjálparbangsann þeirra eða ná í kennarann.

Takk fyrir vikuna og góða helgi,
kveðja Sunna, Edda Rós, Henný Rós, Elsa Rún og Marta.

 

Vikan hefur verið skemmtileg hjá okkur á Álfheimum og nóg um að vera.

Fyrir hádegi á mánudeginum fór eldri hópurinn í inni val en yngri fóru út að leika. Eftir hádegi var útivistadagur og fóru flestir út að leika.

Deildardagur var fyrir hádegi á þriðjudeginum og þá skiptust hóparnir á að fara í listaskála, Lubba stund og að vera í frjálsum leik inni á deild. Í listaskála máluðu börnin myndir með klósettrúllum sem var búið að klippa og hanga myndirnar í innra herbergi á Álfheimum. Eftir hádegi var val hjá eldri og útivera eða frjáls leikur inni á deild hjá yngri.

Fyrir hádegi á fimmtudeginum var hópastarf á Álfheimum. Börn fædd 2017 fóru í hreyfistund og unnu með liti og fjölda í gegnum skemmtilegan leik með risaeðlur og eftir það fóru þau í könnunarleik. Börn fædd 2016 fóru í þemastund þar sem þau fundu nafn á hópinn sinn og ræddu um hvernig er að vera í hóp og hvað þau vilja gera í hópnum.

Fyrir hádegi á þriðjudögum, miðvikudögum og fimmtudögum eru börn fædd 2015 á Dvergheimum í skipulögðu starfi fyrir næst elstu börnin.

Vinastund var fyrir hádegi á föstudeginum og þá hittist allur leikskólinn í salnum og syngja saman. Eftir vinastund er ávaxtastund og svo fór eldri hópurinn í val og yngri hóparnir í útiveru. Eftir hádegi var föstudagsval og þá er hægt að velja um að fara út að leika eða vera inni í frjálsum leik.

Takk fyrir frábæra viku og góða helgi,
kveðja Sunna, Elsa Rún, Edda Rós Marta og Henný Rós.