Kæru foreldrar/forráðamenn,
Eins og flestum ykkar er kunnugt um er starfrækt foreldrafélag við leikskólann Fífuborg sem ber nafnið Fífan. Markmiðið með foreldrasamstarfi í leikskóla er að efla samstarf heimilis og skóla þannig að það leiði af sér öflugra leikskólastarf, bætta líðan nemenda og betri árangur.
Foreldrafélagið er samstarfsvettvangur foreldra barna í leikskólanum þar sem hægt er að koma á framfæri skoðunum foreldra við skólastjórnendur. Foreldrafélagið sér einnig um að skipuleggja foreldrastarfið í leikskólanum. Verkefni þess er m.a. að skipuleggja viðburði í samstarfi við starfsmenn leikskólans, s.s. sveitaferð, leiksýningar, heimsóknir jólasveina á jólaballið, blóm fyrir útskrift elstu barnanna o.fl.
Gjald fyrir skólaárið 2017-2018 er 5000 kr. Gefinn er systkinaafsláttur, en þeir sem greiða fyrir tvö börn fá 2500 kr. afslátt, og borga því 7500 kr. Reikningar verða sendir í heimabanka fyrir lok nóvember 2017. Reikningsnúmer foreldrafélagsins er: 0324-13-017575 Kennitala: 480596-2779.
Foreldrafélagið byggir starf sitt á þessum greiðslum og við hvetjum alla foreldra/forráðamenn
til þess að greiða félagsgjöldin sem fyrst.
Virðingarfyllst
Foreldrafélag leikskólans
Fífuborgar
